អតីតអ្នកទោសកាប់គ្រញូងនៅប្រទេសថៃរាងចាលមិនវិលវិញ
លាក់ខ្លួននៅក្នុងផ្ទះដែលធ្វើអំពីឈើនៅក្នុងភូមិអូរបេង ឃុំផ្អាវ ស្រុកត្រពាំងប្រាសាទ ខេត្តឧត្តរមានជ័យ ដោយមិនចង់ឲ្យអ្នកភូមិដឹងថាខ្លួនត្រូវបានដោះលែងពីពន្ធនាគារខេត្តអ៊ូប៊ុននៃប្រទេសថៃជាមួយនឹងពលរដ្ឋ ២៥ នាក់ផ្សេងទៀត ដោយសារការឆ្លងដែនទៅកាប់ឈើគ្រញូងខុសច្បាប់លោក ឡឹង សុប៊ុន ដែលមានសាក់ជារូបឥន្ទ្រីនៅស្មាបានថ្លែងថា លោករាងចាល និងមិនឆ្លងដែនទៅកាប់ឈើទៀតនោះទេពីព្រោះជីវិតរស់នៅក្នុងគុកមិនដូចនៅផ្ទះទេ។ … បុរសរូបនោះបានរៀបរាប់ទាំងទឹកមុខស្រងូតស្រងាត់ថា ពលរដ្ឋខ្មែរដែលថៃចាប់បានគឺគេតែងតែវាយធ្វើបាប ប៉ុន្តែបើថ្ងៃណាមានអ្នកកាសែតគេចុះល្បាតជាមួយមន្ត្រី ទាហានឈុតខ្មៅគេមិនវាយធ្វើបាបទេ គឺគេគ្រាន់តែចាប់ខ្លួនហើយបញ្ជូនទៅពន្ធនាគារដើម្បីបញ្ជូនទៅតុលាការកាត់ទោសតែប៉ុណ្ណោះ។ បុរសរូបនេះបានថ្លែងថា៖ «ពេលធ្វើដំណើរតាមផ្លូវគេវាយយើងហើមមុខហើមមាត់ បាក់ធ្មេញគឺគេធ្វើឲ្យយើងរាងចាលតែម្តង»។ … តាមរបាយការណ៍ទិសដៅការងាររបស់ក្រសួងមហាផ្ទៃចេញផ្សាយកាលពីថ្ងៃទី ២៣ ខែកុម្ភៈ ឆ្នាំ ២០១៥ បានឲ្យដឹងថាប្រជាពលរដ្ឋខ្មែរនៅតែបន្តលួចឆ្លងដែនចូលក្នុងទឹកដីថៃដោយខុសច្បាប់ និងត្រូវបានទាហានថៃបាញ់សម្លាប់សរុប ៩ នាក់ រងរបួស ១៦ នាក់ រត់រួចមកវិញ ២៨ នាក់ ថៃចាប់បាន ១៩ នាក់ និងបញ្ជូនឲ្យមកកម្ពុជាវិញចំនួន ៣២៨៣ នាក់ ក្នុងឆ្នាំ ២០១៤៕
ម៉ៃ ទិត្យថារ៉ា
http://bit.ly/1RvhQmm
